ದೇಶ
ಭಾರತದಲ್ಲಿ ಬಂಗಾರದ ಬೆಲೆ ದಿಢೀರ್ ಕುಸಿಯೋದಕ್ಕೆ ಕಾರಣವಾದ್ರೂ ಏನು..?
ಅಮೆರಿಕದಲ್ಲಿ ಅಧ್ಯಕ್ಷ ಗಾದಿ ಯಾರ ಕೈಗೆ ಬರುತ್ತದೆ ಎಂಬುದು ಸ್ಪಷ್ಟವಾಗುವವರೆಗೆ ಚಿನ್ನ ಮತ್ತು ಬೆಳ್ಳಿಯ ಬೆಲೆಗಳು ಏರುತ್ತಲೇ ಇದ್ದವು. ಹಾಗಾಗಿ ಭಾರತದಲ್ಲಿ ಚಿನ್ನದ ಬೆಲೆ 10 ಗ್ರಾಂಗೆ 80,000 ರೂ.ಗಡಿ ದಾಟಿತ್ತು
ಅಮೆರಿಕ ಚುನಾವಣೆ ಫಲಿತಾಂಶ ಹೊರಬೀಳುತ್ತಿದ್ದಂತೆ ಚಿನ್ನ ಬೆಳ್ಳಿಯ ದರ ಇಳಿಯಲು ಆರಂಭವಾಗಿದೆ.ದಿನೇ ದಿನೇ ಬಂಗಾರದ ಬೆಲೆ ಕುಸಿಯಲು ಆರಂಭಿಸಿದೆ. ವಾರದಲ್ಲಿ ಒಂದು ಸಾವಿರ ರೂಪಾಯಿಗೂ ಹೆಚ್ಚು ಚಿನ್ನದ ಬೆಲೆ ಕುಸಿತ ಕಂಡಿದೆ..
ಬಂಗಾರ ಖರೀದಿ ಇನ್ನು ಸಾಧ್ಯವೇ ಎಂದು ಚಿಂತೆ ಮಾಡುತ್ತಿದ್ದವರಿಗೆ ಇದು ಗುಡ್ ನ್ಯೂಸ್ ಅಂತಲೇ ಹೇಳಬಹುದಾಗಿದೆ.. ಇಡೀ ಜಗತ್ತಿನ ಆರ್ಥಿಕತೆಯ ಹಾದಿಯನ್ನು ಸೂಪರ್ ಪವರ್ ಅಮೆರಿಕ ನಿರ್ಧರಿಸುತ್ತದೆ ಎಂದು ಹೇಳಲಾಗುತ್ತದೆ. ಅದನ್ನು ಚಿನ್ನ ಬೆಳ್ಳಿ ಬೆಲೆಯಲ್ಲಿಯೂ ಕಾಣಬಹುದು. ಅಮೆರಿಕದಲ್ಲಿ ಅಧ್ಯಕ್ಷೀಯ ಚುನಾವಣೆಯ ಸಂದರ್ಭದಲ್ಲಿ ಮಾರುಕಟ್ಟೆಯ ಅಸ್ಥಿರತೆ ಸ್ಪಷ್ಟವಾಗಿ ಗೋಚರಿಸಿತು, ಅಮೆರಿಕದಲ್ಲಿ ಅಧ್ಯಕ್ಷ ಗಾದಿ ಯಾರ ಕೈಗೆ ಬರುತ್ತದೆ ಎಂಬುದು ಸ್ಪಷ್ಟವಾಗುವವರೆಗೆ ಚಿನ್ನ ಮತ್ತು ಬೆಳ್ಳಿಯ ಬೆಲೆಗಳು ಏರುತ್ತಲೇ ಇದ್ದವು. ಹಾಗಾಗಿ ಭಾರತದಲ್ಲಿ ಚಿನ್ನದ ಬೆಲೆ 10 ಗ್ರಾಂಗೆ 80,000 ರೂ.ಗಡಿ ದಾಟಿತ್ತು. ಅಮೆರಿಕ ಸಾರಥ್ಯ ಡೊನಾಲ್ಡ್ ಟ್ರಂಪ್ ಕೈಗೆ ಮರಳುತ್ತಿದೆ ಎನ್ನುವುದು ಸ್ಪಷ್ಟವಾಗುತ್ತಿದ್ದ ಹಾಗೆಯೇ ಚಿನ್ನದ ಬೆಲೆಯಲ್ಲಿ ಇಳಿಕೆ ಕಂಡುಬರುತ್ತದೆ. ಡೊನಾಲ್ಡ್ ಟ್ರಂಪ್ ಅಮೆರಿಕ ಅಧ್ಯಕ್ಷ ಪಟ್ಟಕ್ಕೆ ಮರಳಿರುವುದು ಡಾಲರ್ ಅನ್ನು ಬಲಪಡಿಸಿದೆ. ಇದು ಚಿನ್ನದ ಬೆಲೆ ಇಳಿಯುವುದಕ್ಕೆ ಕಾರಣವಾಗಿದೆ. ಮಾರುಕಟ್ಟೆ ತಜ್ಞರ ಪ್ರಕಾರ, ಟ್ರಂಪ್ ಗೆಲುವು ಡಾಲರ್ ಸೂಚ್ಯಂಕ ಮತ್ತು ಬಾಂಡ್ ಈಲ್ದ್ ಅನ್ನು ಹೆಚ್ಚಿಸಿದೆ.